ROSE NDAUKA KUJA NA TAMTHILIYA

Na. Melkiory Gowelle.

NYOTA wa filamu nchini kutoka Kampuni ya Ndauka Entertainment Rose Ndauka, amesema yuko mbioni kuachia tamthiliya mpya ambapo kwa sasa anaifanyia maandalizi.

Akizungumza Jijini Dar es salaam Ndauka amewataka Wapenzi na Mashabiki wake kukaa mkao wa kula na atawapa taarifa rasmi wakati muafaka utakapo fika.

“Niko mbioni kuachia ‘Series’, hicho ndicho kitu kipya na lazima nitawajulisha Watanzania kwamba tayari kuna kitu kipya, lini kitatoka, na nani atakuwepo hivyo vyote nitawajulisha muda na wakati muafaka utakapo fika.” Alisema Ndauka.

Ndauka ni mmoja kati ya Wasanii wa filamu ambao nyota zao zilianza kung’aa tangu wakiwa wadoga ambapo alifanikiwa kuigiza filamu yake ya kwanza ya ‘SWAHIBA’ mwaka 2007 wakati akiwa bado anasoma shule ya Sekondari Zanaki Dar es salaam.