MLIOKUWA KATIKA MFUNGO MSIKILIZENI IDRIS

Na.Melkiory Gowelle.

MTANGAZAJI na msanii wa vichekesho nchini Idriss Sultan amewataka waislamu wote kuswali sana na kufanya vitu vinavyompendeza Mwenyez Mungu ili awashushie neema.

                                      

Akizungumza Jijini dar es salaam Idris amesema majaribu ni mengi hasa katika kipindi cha Ramadhani na wakati mwingine hivyo amewataka kufanya mema ili waifikie pepo.

"Katika mafundisho ya dini kwa ujumla Waislamu haturuhusiwi kusikiliza miziki ya kidunia hasa kipindi cha Ramadhani na vipindi vya kawaida, lakini cha ajabu waislamu wengi ndio tunao imba na kuisikiliza miziki hiyo, hivyo sidhani kama tutaiona pepo pasipo kujitahidi kuswali na kufuata mafundisho ya dini." amesema Idris.

Aidha Idris ameeleza kitu ambacho kwa upande wake hapendi kukifanya katika kipindi cha Ramadhani ikiwezekana pia katika vipindi vingine ni kujihusisa na mahusiano ya kimapenzi bila kuoa.

"Haturuhusiwi kidini kuwa na mahusiano bila kuoa, lakini kuna waislamu wanaamini haturuhusiwi kufanya mapenzi wakati wa Ramadhani, mimi nasema hapana, Mwenyezi Mungu hajasema Ramadhani peke yake bali ni kila siku". amesema Idris.