BASATA WAMEBARIKI MADARAKA YA KULEVYA

Na. Melkiory Gowelle.

MKALI wa Hip hop Bongo kutoka katika kundi la Weusi John Simon ‘Joh Makini’ amesema kuwa wimbo wao mpya ulio sheheni mistari mingi yenye maneno ya kisasa ujulikanao kama Madaraka ya kulevya umekaguliwa na BARAZA LA SANAA TANZANIA ‘BASATA’ na kupewa ruhusa ya kuchezwa katika media mbalimbali.

Ameyasema hayo Jijini Dar es salaam wakati akitoa ufafanuzi wa maudhui ya wimbo huo ambapo amesema wimbo huo unahusu Mapenzi na unamzungumzia Mwanaume ambaye amependwa sana na mke wake.

“Wimbo tuliuita Yakulevya, lakini watu wengi hawakuuelewa sababu kabla ya kuutoa tuliachia ‘sample’ ya ‘choras’ ambayo kila mtu aliipokea kwa maana yake na kuu’brand’ kama madaraka ya kulevya. Hivyo kwakuwa hauwezi kuwazuia mashabiki basi tukaacha uitwe hivyo Madaraka ya kulevya.” Alisema Joh.

Kuhusu BASATA Joh amefafanua kuwa sikuizi kuna utaratibu wa kuifikisha nyimbo kwa Baraza hiyo kabla haujaachiwa kwenye media, hivyo walifuata utaratibu huo ndipo wimbo huo ukapewa ruhusa ya kuchezwa katika media mbalimbali.

“Tuliupeleka wimbo BASATA na wakaupokea, wakausikia na wakaukubali na kusifia ubunifu wa sanaa iliyo tumika, hivyo kwa mikono miwili wameibariki na kutoa ‘go ahead’. Amesema Joh.