IGP AHAIDI KUKOMESHA VITENDO VYA UHALIFU PWANI.

Na.Melkiory Gowelle.

MARA baada ya kuapishwa na kuwa IGP aliyekuwa Kamanda wa Polisi Kanda maalumu ya Dar es salaam Simon Sirro amesisitiza kwamba suala la mauaji linaloendelea maeneo ya Mkoani Pwani litakoma  mara moja na kuwafanya Wana pwani kuishi kwa amani na utulivu.

Akizungumza Ikulu Jijini Dar es salaam IGP Sirro amesema kazi kubwa ya Jeshi la Polisi ni kulinda Raia na mali zao, hivyo amewataka wananchi wote kutoa ushirikiano ili kukabiliana na kasi ya uhalifu nchini.

“Uhalifu hauwezi ukapunguwa kwa kutegemea Jeshi la Polisi peke yake, tunahitaji nguvu ya pamoja ili kushinda hii vita. Amesema Sirro na kuongeza kuwa

“Najuwa tunachangamoto kubwa ya Ikwiriri, Rufiji na maeneo mengine ya Pwani lakini Jeshi la polisi tuko vizuri, na tutaingia, tutafanyia kazi kuhakikisha Wanapwani wanaishi kwa amani na utulivu, lakini watuamini na watupe taarifa  kwa kuwa ‘information is power’.” Amesema Sirro.

Kwa upande wake aliyekuwa  katika nafasi hiyo IGP Ernest Mangu amemuunga mkono Sirro na kuwataka wananchi kumpa ushirikiano ili aweze kukabiliana na majukumu yak e kwa ufanisi.

“IGP mpya sio mgeni ndani ya Jeshi la Polisi, na alikuwa katika nafasi ya juu hivyo anaelewa changamoto zilizo kuwepo na hatuwa za kuchukuwa , naamini amejipanga kwa ajili ya kukabiliana na uhalifu ambao hatuja wahi kuushuhudia nchini kwetu.” Amesema Mangu.